جبال البلقاء الاخباري: منذ انتشار فيروس كورونا في لندن العاصمة البريطانية ورغم انه لم يمضي على وصولهم للعاصمة لندن اكثر من 48 ساعة قررت عائلة الطفل كنان ليث العبادي العودة لارض الوطن والامتثال لقرار الحجر الصحي الذي اعلنته الحكومة، ولكن لم يعلم "كنان" انه سيدفع ثمن عدم التزام بقيه المحجور عليهم داخل فندق الريجنسي ودخول حالات للحجر بتواريخ مختلفة ليواصل "كنان" التزامة للحجر بعد انتهاء المدة المطلوبة الـ"14" يوم...تاركا لكم منشورات والده لكنان على صفحتة على موقع الفيسبوك منذ قرار العودة لارض الوطن.
بدي أرجع أنشر نفس الصورة اللي شجعتكم فيها قبل الحجر عشان أشجعكم مرة أخرى على الاستمرار بعد ما تم إخلاء جميع الفنادق إلا الفندق اللي انتم فيه.
الحمدلله انه نتائجكم طلعت سليمة و هو إشي مش مستغرب لأنه قبل الحجر في الأردن كنتم في حجر تقريبا لمدة أسبوع قبل السفر.
تم تأجيل خروج من في فندق الريجنسي بسبب تفاوت مدة الدخول الى الفندق ولا نعلم إلى متى.
أعلم أنكم لم تخالطوا أحد طوال المدة و لكن يجب أن لا نشتكي و أن نصبر أكثر فكل شيء يهون ولا إنه نخسر أي شخص.
فرح و ندين و كنان و معهم زميلتي أسيل أنا كلي فخر بكم، أنتم أبطالي
30/3/2020 اليوم الرابع العشر من الحجر الصح
يا بابا تصرف
!!!
اللي في السجن بيعرف متى بيطلع و أنا ما حد راضي يجاوبني.
ليش كل الناس روحوا و أنا لأ؟؟ شو السبب؟؟؟
يعني يا بابا انا مش شاطر؟؟؟؟
طب والله ما طلعت من باب الغرفة ولا خالطت حدا؟؟؟
والله يا بابا إجا دكتور كبير من أكم يوم و فوت اشي بأنفي و صرت أعيط و حكولي بعدها نتائجك سلبية.
انا عادي يا بابا قاعد و راضي و موافق و ما حكيت إشي بس بدي أعرف ليش هيك و لمتى؟؟؟
خلص شكلي رح أبدا مهنة عرض الأزياء عشان ما أكون ضيعت وقتي عالفاضي.
#الريجنسي
#كورونا
#كنان_في_الحجر